1322-1323 circa,
Giovanni del Virgilio, Allegorie librorum Ovidii Metamorphoseos, I, 9
Nona trasmutatio est de Dane conversa in laurum. Allegoria est hec. Per Phebum intelligo pudicam personam et castam, per Daphnem ipsam pudicitiam quam insequitur casta persona. Per Danem converti in arborem intelligo quod pudicitia radicatur in corde illius qui insequitur eam. Per laurum signatur virginitas eo quod semper est virens et redolens. U. d. e.:
Ille pudicitiam sequitur pro posse fugacem.
Qua tandem pressa rara corona datur.
Laurus odora virens designat verginitatem,
Nam viret et redolet virginitatis odor
Lubrica virginitas fertur de flumine nata,
Nam dilapsa semel non revocanda fuit
At si continuis servet quis passibus illam
Tunc radicata est et viridente coma.
