Mythographus Vaticanus I
(ed. Dr. Georgius Henricus Bode, Cellis 1834), II,
116. Apollo et Dafne, seu laurus
In Apollinis tutelam laurum adscribunt. Nam scimus, Daphnen, Ladonis, fluminis Arcadiae, filiam, dilectam ab Apolline, et Terrae miseratione in laurum conversam. Et unde laurus nasci posset, nisi de fluvialibus aquis? Et sic poetae describunt: si laurum dormientibus ad caput posueris, vera sominia esse visuros.
